落后2粒同阿仙奴玩大佢 拿玻里攻!攻!攻!

战报点评

  今晚欧霸8强次回合爆发重头戏,阿仙奴要作客硬撼拿玻里。

  阿仙奴虽然揸住两粒喺手,但佢哋客场不嬲好「大」喜「攻」,拿玻里为收复失地,已冇退路一定狂攻,势必合演入球骚,球嘅大盘有买趁早。

  (myTVGold303、Now643、有线616及656台周五凌晨3时直播)首回合阿仙奴凭艾朗蓝斯入波及对方摆乌龙,喺主场赢拿玻里2比0先拔头筹,今仗只要打和,或者只输1粒都可晋级,不过「兵工厂」一向主强客弱,近8场正式赛事作客仅得2胜1和5负,包括上2圈欧霸淘汰赛客场输畀实力一般嘅巴迪同雷恩,都只係靠主场上演绝地反击出线,可见作客几咁唔掂,短期内难有改善。兵工厂客场病未医好其实,阿仙奴近4仗欧霸淘汰赛共轰9球,有3场开3球或以上,既然「客场病」未医好,倒不如火力全开,博入作客入球逼死拿玻里算数。

  落后两粒嘅拿玻里已冇晒退路,为晋级唔单止非胜不可,仲至少要入番2粒先有价讲。

  不过呢支意甲「2哥」近期入得又失得,联赛连盃赛在内,近7仗入14球但失咗12粒,有5场开3球或以上,前锋米利克同梅顿斯都算弗,问题係今仗焗攻冇得缩,防线随时暴露更多空位,啱晒擅打反击嘅阿仙奴双锋奥巴美扬同拿卡锡迪,球嘅入球大乃不二之选。

标签:

评论留言

我要留言

◎欢迎参与讨论,请在这里发表您的看法、交流您的观点。